Cada clase transformarase nun equipo unido por un obxectivo común: combater a soidade non desexada.
Os seus integrantes haberán de pensar nos valores do equipo e plasmalos nun escudo que os simbolice. Este escudo non só será un símbolo de pertenza e orgullo, senón tamén unha ferramenta visual que fortalecerá a identidade do grupo e o seu compromiso coa causa.
O escudo do equipo será de técnica libre (arxila, pintura, colaxe…), pero debe ser creado integramente con imaxes feitas polos participantes; non está permitido o uso de imaxes de terceiros se non se dispón dos dereitos necesarios.
Escudo de natureza e xadrez.
Ademais de elementos de natureza que demostran a paixón polo aire libre da clase e elementos de pezas de xadrez, pode haber algún elemento que decore o escudo que denote paixón pola natureza, polo carácter reflexivo e pacífico que teñen como equipo.
Descrición de actividade que una ao equipo.
Xadrez na natureza. A clase propón visitar un dos parques da contorna e organizar nas mesas de merendeiro un club de xadrez con distintos niveis de dificultade e taboleiros con fichas adaptadas para persoas con discapacidade.
Comunicarase a todo o centro para que se sumen todos os que queiran.
Cada equipo pensará unha actividade que os una e que inclúa sempre persoas con e sen discapacidade. Para iso, deben pensar como adaptar a actividade para que calquera persoa poida participar nela (xogos de mesa, creación de cómics, podcast, actividades medioambientais, running, obradoiro de lectura, escritura, etc.). Esta actividade será a panca de acción dos equipos contra a soidade non desexada nos centros.
Unha vez acabado o traballo, debedes acompañalo dunha audiodescrición*, para facer accesíbel a peza para as persoas con discapacidade visual. Detalla que aparece no teu escudo de maneira concreta (imaxes, cores, estrutura, mensaxe...).
Sube o escudo e a actividade do teu equipo á túa Área privada, e listo!
*A audiodescrición ha de ter unha duración máxima de 1 minuto.