1. FACENDO EQUIPO

DESCRICIÓN DA DINÁMICA:

Nesta segunda dinámica, os alumnos terán que poñerse na pel doutras persoas para vivenciar distintas situacións.

Por medio desta actividade grupal, baseada nun role play, os alumnos e alumnas traballarán a empatía e a escoita activa.

Agrupados por equipos, dispoñerán de dúas tarxetas sacadas ao azar: unha coa descrición dunha situación e outra coa descrición do personaxe (con ou sen discapacidade) ao que lle afecta esa situación e da que é protagonista.

Cada tarxeta dispón dunha batería de preguntas reflexivas: ao emparellar personaxe e situación, o equipo terá que poñerse no lugar do personaxe, responder as preguntas e acordar unha solución baseada na empatía e o respecto, para evitar o caso de soidade non desexada.

OBXECTIVOS DIDÁCTICOS:

• Reflexionar sobre situacións sociais para tomar decisións empáticas e consecuentes coa situación, baseadas na escoita activa e no respecto polos demais.
• Fomentar a empatía polos compañeiros e compañeiras do grupo-clase.

DURACIÓN DA ACTIVIDADE:

15 minutos.

PAUTAS DE REALIZACIÓN:

1. Organiza equipos de 3-5 alumnos e reparte, ao azar, unha tarxeta de situación e outra de personaxe.
2. Por quendas, cada integrante do equipo debe responder as preguntas que se expoñen en cada tarxeta, primeiro empatizando co personaxe e poñéndose no seu lugar, e despois respondendo de forma persoal.
3. Cada equipo, tras a rolda de preguntas reflexivas, debe chegar a unha solución que permita ao personaxe evitar unha situación de soidade non desexada.
4. Posta en común para acordar as actitudes que deben ter o grupo-clase se se atopan con situacións parecidas no centro escolar.

Descargar as tarxetas dos personaxes Descargar as tarxetas das situacións

FINALIDADE DIDÁCTICA AXUSTADA AO TRABALLO DE PARTICIPACIÓN:

• Fomentar a escoita activa, a observación e a empatía como puntos de partida para sensibilizarse ante situacións de soidade non desexada no ámbito escolar.
• Empatizar con compañeiros e compañeiras do centro escolar.