• Testuak hitz sinpleekin aurkezten dira. Hori “Irakurketa erraza” esaten zaiona da.
• Piktogramak informazio guztietan daude, eta testu erraz eta ulergarriekin konbinatzen dira.
• Informazio garrantzitsua mezua ez saturatzeko bakarrik uzten da.
• Espazio publikoek ez dute kartel edo argiztapen gainkargarik, ezta zarata handirik ere, informazioa prozesatzen laguntzeko.

Nolakoa izan beharko luke mugikortasunak irisgarria izateko?

• Garraio publikoko geltokien diseinua ahalik eta modu ulergarrienean antolatuta dago, modu intuitiboan erabiltzea errazteko.
• Autobus- eta tren-geltokiek ingurune erosoak dituzte; horiek erabiltzen dituzten pertsonei ongizatea eta erosotasuna ematen diete.
• Kartelak sinpleak eta ulergarriak dira; geltoki bateko espazio publiko desberdinetako orientazioa, identifikazioa eta lokalizazioa errazteko.
• Edozein garraiobidetan megafoniaz ematen den informazioa ulergarria da eta ez du zaratarik.

Nola diseinatzen dira hiri-espazioak irisgarriak izan daitezen?

• Kaleen eta parkeen urbanismoa paseoa errazteko diseinatu da, espazio zabalekin eta zoruan adierazitako ibilbideekin eta informazio-zutoinekin ibilbide nagusietan zehar.
• Kaleek orientazioa errazten duten beste elementu batzuk ere badituzte (esaterako, kolorearen, gida-zerrenden edo erreferentzia-puntuen erabilera).
• Kaleen eta etorbideen izenak, bai eta kartelak eta seinaleak ere irakurketa errazean daude, testuak eta piktogramak konbinatuta.
• Espazio publiko guztiak zabalak dira eta ingurunearen kontrol bisuala eskaintzen dute; horrek segurtasuna ematen du eta antsietatea murriztea edo estresa murriztea eragiten du adimen-desgaitasuna duten pertsonengan.

Nola ikasi modu irisgarrian?

• Eskolan hezkuntza emozionala irakasten da.
• Irakasleek azpitituluekin eta irakurketa errazean idatzitako testuekin osatzen dituzte beren azalpenak, eta horrek bermatzen die irisgarritasuna ikasle guztiei.
• Irakasleek modu desberdinak dituzte ikasgai bat irakasteko eta egin beharreko jarduerak era askotara aurkezteko. Ikaskuntzaren Diseinu Unibertsala esaten diote.
• Sarbide nagusiek argi-abisuak dituzte ateak ireki direla adierazteko.
• Sarbideek sarbide-arrapalak dituzte, eta ibilbideak markatuta ikastetxeko patioko eta korridoreetako zoruan.

Nola gozatu kulturaz modu irisgarrian?

• Kultura- edo aisialdi-jarduera batzuek (esaterako, jolas-parkeek) zaratarik gabeko eta gehiegizko argirik gabeko ordutegiak eskaintzen dituzte.
• Kultura-programazioak, halaber, irakurketa errazera egokitutako antzerki-lanak barne hartzen ditu.
• Museoetako aretoek obren deskribapenak jasotzen dituzte «audio errazeko» formatuan; hau da, erraz ulertzeko moduko soinu-informazioarekin.

Nola erraztu kudeaketak irisgarriak izatea?

• Sarrera nagusia erraz ezagutzeko moduakoa da, gainerakoekin alderatuta kolore desberdina izateagatik edo hure identifikatzen duen seinale batengatik.
• Espazio publikoek lurrean markatutako ibilbideak dituzte, eskaintzen diren zerbitzuetara eramaten dutenak, haien lokalizazioa errazteko.
• Udal-erregistro eta -kudeaketako zerbitzu publikoak puntu estrategiko gisa seinaleztatzen dira.
• Zentro publikoek eta merkataritza-zentroek ongi argiztatutako ibilbideak eta atsedenerako eremu seguruak dituzte.
• Informazio-kartelak erraz ulertzeko diseinatuta daude: ordutegiak laguntza-piktogramekin, eraikinaren logo edo piktograma korporatiboa, eraikinaren izena eta eskaintzen dituen funtzio edo zerbitzuak, etab.