• Testuak hitz sinpleekin aurkezten dira.
• Informazioak hainbat motatako formatutan adierazten dira: bisuala, multigrafikoa edo entzumenekoa.
• Piktogramak informazio guztietan daude.
• Espazio publikoek ez dute estimulu-gainkargarik, ezta zarata handirik ere. Izan ere, arreta murrizten dute eta estimulu garrantzitsuak bereizteko gaitasuna mugatzen dute; eta, ondorioz, informazioaren prozesamendua zaildu egiten da.

Nolakoa izan beharko luke mugikortasunak irisgarria izateko?

• Geralekuen diseinua, garraio publikoko geltokiekin batera, ahalik eta modu ulergarrienean antolatuta dago, erabilera erraz eta intuitiboa ahalbidetzeko.
• Autobus eta tren geltokiek eta gainerako eraikin publikoek ingurumen-zarata eta argiztapen minimoa dute, giro erosoak sortzeko, haietatik igarotzen diren pertsonei ongizatea eta erosotasuna emateko.
• Seinaleztapen sistemak sinpleak eta ulergarriak dira; geltoki edo aldageltoki bateko espazio publikoen orientazioa, identifikazioa eta lokalizazioa errazteko.
• Edozein garraiobidetan megafoniaz ematen den informazioa ulergarria da eta ez du zaratarik.

Nola diseinatzen dira hiri-espazioak irisgarriak izan daitezen?

• Kaleen eta parkeen urbanismoa erabilera erraz eta intuitiboa ahalbidetzeko diseinatu da: espazio zabalak, zoladuran adierazitako ibilbideak eta informazio-zutoinak ibilbide nagusietan zehar.
• Kaleen eta etorbideen izenak, bai eta kartelak eta seinaleak ere, irakurketa errazean idatzita daude, erraz ulertzeko, testua eta piktogramak konbinatuta.
• Kaleekorientazioa errazten duten beste elementu batzuk ere badituzte (esaterako, kolorearen, gida-zerrenden edo erreferentzia-puntuen erabilera).
• Espazio publiko guztiak zabalak dira eta ingurunearen kontrol bisuala eskaintzen dute; horrek segurtasuna ematen du eta antsietatea murriztea edo estresa murriztea eragiten du adimen-desgaitasuna duten pertsonengan.

Nola ikasi modu irisgarrian?

• Eskolan hezkuntza emozionala irakasten da.
• Irakasleek azpitituluekin eta irakurketa errazean idatzitako testuekin osatzen dituzte beren azalpenak, eta horrek bermatzen die irisgarritasuna ikasle guztiei.
• Irakasleek modu desberdinak dituzte ikasgai bat irakasteko eta egin beharreko jarduerak era askotara aurkezteko. Ikaskuntzaren Diseinu Unibertsala esaten diote.
• Sarbide nagusiek argi-abisuak dituzte ateak ireki direla adierazteko.
• Sarbideek sarbide-arrapalak dituzte, eta ibilbideak markatuta ikastetxeko patioko eta korridoreetako zoruan.

Nola gozatu kulturaz modu irisgarrian?

• Kultura-programazioak zaratarik gabeko ordutegi espezifikoak ditu kultura- edo aisialdi-jarduerez gozatzeko (esaterako, jolas-parkeak), sargi- eta soinu-saturaziorik gabe eskaintzen direnak.
• Kultura-programazioak, halaber, irakurketa errazera egokitutako antzerki-lanak barne hartzen ditu.
• Museoetako aretoek obren deskribapenak egiten dituzte«audio errazeko» formatuan; hau da, erraz ulertzeko moduko soinu-informazioarekin, eskaintzen den informazioa hizkuntza erraztu batean azaltzeko.

Nola erraztu kudeaketak irisgarriak izatea?

• Sarrera nagusia erraz ezagutzeko modukoa da, kolore-kontrasteagatik edo seinaleztapenagatik.
• Eraikin publiko guztiek informazio argia eta intuitiboa dute, irakurketa errazean edota piktogramatan idatzita, eraikinaren banaketa ulertu ahal izateko.
• Espazio publikoek zoruan seinaleztatutako ibilbideak dituzte, eskaintzen diren zerbitzuak bereizten laguntzeko, haien lokalizazioa ahalik eta intuitiboena izan dadin.
• Zentro publikoek eta merkataritza-zentroek ondo argiztatutako ibilbideak eta atsedenerako eremu seguruak dituzte.
• Sarrerak, irteerak, elkarguneak, intersekzioak eta eskailerak, eta baita erabaki bat (erregistroak, udal-kudeaketak, etab.) hartu behar den eraikineko gune guztiak ere, puntu estrategiko gisa seinaleztatzen dira.
• Informazio-kartelak erraz ulertzeko diseinatuta daude: ordutegiak laguntza-piktogramekin, eraikinaren logo edo piktograma korporatiboa, eraikinaren izena eta erabilera edo funtzioa (eskaintzen dituen zerbitzuak), etab.