Nolakoa izan beharko luke mugikortasunak irisgarria izateko?

• Espazio bat bermatuta dago ibilgailuak ibiltzeko eta maniobrak egiteko geralekuen inguruan.
• Markesinetako kristalak biniloekin seinaleztatuta daude.
• Zoladura irristagaitza eta plano-aldaketak gurpildun aulkietarako edo beste laguntza tekniko batzuetarako egokituta daude.
• Karteletako eta seinaleetako informazioak altuera jakin batean daude; eta akabera matekoak dira, ez itsutzeko.
• Garraiobide publikoek arrapala mugikorrak dituzte, barrura sartzean aktibatzen direnak.
• Dei-botoiak eta ateetako heldulekuak 120 cm-ko gehieneko altueran daude, erraz erabiltzeko moduan.

Nola egin erosketa modu irisgarrian?

• Barruko instalazioak arrapala bidez konektatuta daude, desnibela dagoenean; oinezkoentzako ibilbide irisgarria errazteko supermerkatuko korridoreen artean.
• Sarrerako ateek eta kanpoko eta barruko espazioek ez dute oztoporik, eta 150 cm-ko diametroa duen espazio librea dute, gurpildun aulkiek edo laguntza teknikoko beste elementu batzuek (makuluak, taka-takak) bira ematea eta maniobrak egitea errazteko.
• Sartzeko ateak gidaridunak dira, edo automatikoki irekitzen dira.
• Heldulekuak, dei-botoiak, su-itzalgailuak eta abarrak 120 cm-ko gehieneko altueran daude.
• Behar-beharrezko produktuak dituzten apalategiak 140 cm-ko gehieneko altueran daude.
• Erakusmahaiek eta ordaintzeko eta norberak ordaintzeko kutxek apal bat dute (gehienez 85 cm-koa).
• Produktuek erantzun azkarreko kodeak (QR) dituzte etiketetan.

Nola diseinatzen dira hiri-espazioak irisgarriak izan daitezen?

• Korridoreko, biratzeko eta pasabide-baoen espazioek zabalera arautua dute: 120 eta 180 cm artekoa.
• Arrapalek 120 eta 180 cm bitarteko zabalera dute, eta % 6tik beherako malda. Zeharkako maldek, berriz, % 2tik beherako malda izan behar dute.
• Erakusmahaiek, irekitze-mekanismoek (esaterako, ateetako heldulekuek edo etengailuek, paperontziek eta postontziek) 80 eta 120 cm bitarteko altuera erregulatuan egon behar dute.
• Komun publikoek komun egokituak dituzte, eta gainerako elementuak (esaterako, txorrotak, ateetako heldulekuak eta etengailuak) gurpildun aulkian dagoen pertsonaren altueran daude.
• Leku eta objektuak aurkitzeko, orientatzeko eta espazio publiko bateko espazioak ulertzeko informazioa gurpildun aulkian dagoen pertsonaren altueran dago.
• Antzerki- eta zinema-aretoetako eserlekuetako lehen ilarek leku erreserbatua dute gurpildun aulkian daudenentzat.

Nola ikasi modu irisgarrian?

• Sarbideek sarbide-arrapalak dituzte, eta ibilbideak markatuta ikastetxeko patioko eta korridoreetako zoruan.
• Irakasleek modu desberdinak dituzte ikasgai bat irakasteko eta egin beharreko jarduerak era askotara aurkezteko. Ikaskuntzaren Diseinu Unibertsala esaten diote.
• Sarbide nagusiek argi-abisuak dituzte ateak ireki direla adierazteko.
• Kirol inklusiboa sustatzen da, bai eta eskolaz kanpoko jarduerak ere.
• Ikastetxera joateko hiri-autobusa irisgarria da, bai eta eskola-ibilbidea ere.