• Kaleetako zoruak irrist ez egiteko geruza berezi bat du, eta erliebea du espaloiez eta zintarriez ohartarazteko.
• Kale-argien kanpoko argiztapena eta eraikinen barrualdekoa egokituta daude giroa ez itsutzeko.
• Kartelak eta seinaleak islada-kontrakoak, akabera matekoak eta kolore-kontrastedunak dira, argi eta azkar ikus daitezen.
• Semaforoetan, igogailuetan, autobus- eta metro-geltokietan eta eraikinetarako sarbideetan soinu-abisuak daude, orientazioa errazten dutenak eta arriskuez ohartarazten dutenak.
• Espazio irekiek (kaleek, etorbideek, parkeek, merkataritza-guneek, etab.) soinuzko edo ukipenezko informazioa duten guneak dituzte.
• Eraikinetarako sarbideek, informazio- edo erregistro-guneek, kartelek eta bestelako seinaleek eta supermerkatuetako elikagaien etiketek audiogidak, audiodeskribapenak eta braille irakurketadituzte osagarri; horiek informazioa entzumenaren eta ukimenaren bidez interpretatzea errazten dute.
• Gure hiriko wifi sare osoa eta webgune guztiak irisgarriak dira.

Nolakoa izan beharko luke mugikortasunak irisgarria izateko?

• Geralekuetako zoruak gida-zerrenda batzuk ditu zintarrietan, eta irristagaitza da. Autobusen eta metroko bagoien barruan, gida-zerrendak eskailera-mailetan eta sarrerako ateetan jartzen dira.
• Markesinetako kristalak gardenak dira, eta koloretako banda batzuk dituzte itsatsita; horiek gainerakoetatik bereizten laguntzen dute, eta haiekin estropezu egiteko arriskua saihesten dute.
• Geralekuek abisu-seinale akustikoak dituzte, bai geltokietan, bai autobusen eta metroko bagoien barruan.
• Geralekuko ikusizko informazioa irisgarria da, kontraste handia du eta letra-tamaina handia du; eta erliebean dagoen QR kode bat du (aurkitu ahal izateko), informazioa eskuratzeko.
• Geraleku bakoitzak braille informazioa du, eta kokapen-mapek erliebea dute ukimenari esker irakurri ahal izateko.
• Inguruko kale-argien argiztapena egokituta dago itsutzea saihesteko.

Nola egin erosketa modu irisgarrian?

• Kristalezko sarbideek binilo-banda batzuk dituzte begien parean, kristalezko atea dela adierazteko.
• Korridoreak eta barne-ibilbideak zabalak eta oztoporik gabeak dira.
• Linealei buruzko informazio guztia letra handi eta kontrastatuz idatzia dago, eta audiodeskribapenak ditu eremu bakoitzean.
• Erosketako orgatxoek handitze-lupa dute, eta konpartimentuak produktuak kategoriaka jarri ahal izateko.
• Laguntza-langileak daude korridoreetan, bezeroen beharrei erantzuteko.
• Ordainketa-kutxak audiodeskribapena du, zer produktu kobratu den eta zenbatekoa jakiteko.
• Norberak ordaintzeko kutxa irisgarria da.
• Produktuen etiketak braillez idatzita daude.
• Produktuek erantzun azkarreko kodeak (QR) dituzte etiketetan.

Nola diseinatzen dira hiri-espazioak irisgarriak izan daitezen?

• Kaleetako zorua irristagaitza da; eta kale-argien argiztapenaegokituta dago ez itsutzeko.
• Seinaleak eta kartelak islada-kontrakoak dira, eta kontrastea eta letra handia dute.
• Kaleek, garraio publikoko geltokiek, eraikinek eta ingurune irekiek honakoak dituzte:soinuzko elementuak, ukipenezkoak edo braillez idatziak, informazioa errazteko.
• Kaleek ez dute oztopo arkitektonikorik; eta hiri-altzarientzako (farolak, bankuak, paperontziak, etab.) gune espezifikoak daude, baita patinete elektrikoak edo bizikletak aparkatzeko ere.

Nola ikasi modu irisgarrian?

• Udaletik braille irakurketa ikasgaia sustatu dugu, Oncityn bizi garen guztion inklusioa bermatzeko.
• Gorputz-hezkuntzako ikasgaia eta eskolaz kanpoko jarduerak inklusiboak dira.
• Irakasleek modu desberdinak dituzte ikasgai bat irakasteko eta egin beharreko jarduerak era askotara aurkezteko. Ikaskuntzaren Diseinu Unibertsala esaten diote.
• Irakasleek azpitituluekin eta irakurketa errazean idatzitako testuekin osatzen dituzte beren azalpenak, eta horrek ikasle guztientzako irisgarritasuna bermatzen du. Erliebean dagoen materiala eta manipulatzeko materiala ere erabiltzen dute.
• Sarbide nagusiek soinu-abisuak dituzte, ateak ireki direla adierazteko.
• Sarbideek sarbide-arrapalak dituzte, eta ibilbideak markatuta ikastetxeko patioko eta korridoreetako zoruan.

Nola gozatu kulturaz modu irisgarrian?

• Kultura-programazioek eta museo-aretoek audiogidak eta audiodeskribapenak dituzte.
• Kokapen-mapek, museoen edo asialdi-zentroen barruan orientatzeko, braille informazioa eta ukipenezkoa dute, hainbat erlieberekin.
• Barruko kartelak eta seinaleak letra handiz eta kontrastearekin idatzita daude.
• Liburuxkak eta sarrerak braillez daude; letra handia dute irisgarriak izateko, eta baita QR kode bat ere erliebean markatuta.
• Sarrerek, irteerek, korridoreek, igogailuek eta abarrek ez dute oztoporik eta irisgarriak dira.
• Komun publikoek gida-zerrendak dituzte zoruan, eta baita soinu-abisuak edota ukipenezkoak ere.
• Komunek gida-txakurrentzako edanlekua dute.

Nola erraztu kudeaketak irisgarriak izatea?

• Hiriko webgune guztiak irisgarriak dira: zerbitzu publikoen izapidetzea eta kudeaketa, edo online erosketa, irisgarriak dira.
• Eraikin publikoetan, solairu bakoitzak kolore bereizgarria du identifikatzeko, eta igogailuak irisgarriak dira.
• Erakusmahaiek oztoporik gabe dute inguruko espazioa.
• Braillez idatzitako kartel guztiek dituzte manipulatzekoak diren elementuetan (kartelak, ukipenezko mapak, etab.) birus posibleen aurrean babes egokia mantentzeko behar besteko neurri higienikoak.