Cookieak erabiltzen ditugu gure web-orriaren esperientzia ezin hobea izan dadin. Web-orrialdea erabiltzen jarraituz gero, ados zaudela ulertuko dugu. Informazio gehiago Itxi
Conexión Adiccioff. Esto no es un juego

ONCE lehiaketaz

Mundu digitala, teknologia berriak eta internet balio handiko tresna paregabeak direla agerian gelditu da. Teknologiak hezi, informatu, entretenitu eta ezgaitasunak izan ala ez, pertsonen bizi kalitatea hobetzen du. Berberaren onurak baloratzea garrantzizkoa da, baita haren arriskuetaz jabetzea ere, batez ere umeen eta nerabeen artean.

Hori dela eta, eskola programa hau hezkuntza errealitate berria eta Hezkuntza Kontseilariek ikastetxeei igorritako gomendio digitalak kontuan hartuz garatua izan da:

  • Material digitalen erabilera.
  • Irakasleen onlineko formakuntzaren areagotzea.
  • Zibersegurtasunaren eta baliabide teknologikoen erabileran datuen babesaren inguruko informazio kanpaina.
  • Ikasle eta familien formakuntza teknologia digitalen erabileran.
  • Onlineko curriculuma.

Honako edizioan, guztion artean sentsibilizaziozko publizitate-kanpaina bat eginez, igorri nahi dugun mezua teknologia gure aliatua dela da, baldin eta hura arduraz erabiltzen badugu eta ez arrisku eta nahi gabeko ondorioak eragin litzakeen gehiegizko erabilera eginez. Grupo Social ONCEtik zuen ikastetxea, sormenezko sentsibilizazio-kanpaina eraginkorrena diseinatzeko ideia-laborategi bilakatzea proposatzen dizuegu.

Erronka sentsibilizaziozko publizitate-kanpaina bat sortzean datza “ConexiÓN / AdicciOFF. Hau ez da joko bat” lemarekin. Ikasgeletan egunero aurkitzen dugun talentu eta potentzialean sinisten dugu gizarte osoa inspiratu dezakeen mezu bat transmititzeko.

Zein konpetentzia eskuratuko ditu ikasleak Lehiaketarekin?

  • Komunikazio linguistikorako konpetentzia: Komunikazio-egoera ezberdinetan idatziz eta ahozko hizkuntzaz adierazten jakitea.
  • Ikasten ikasteko konpetentzia: Eginkizunak gauzatzeko estrategiak planifikatzea eta ikaskuntza prozesuaren protagonista sentitzea.
  • Gizarte eta herritartasunerako konpetentzia:era konstruktiboan parte hartzea, desberdintasunak errespetatu eta tolerantzia agertzea.
  • Kontzientzi eta adierazpen kulturalak:proiektuak diseinatzeko ekintzailetza, irudimena eta sormena garatzea.

Gaia dela eta, programa hau tutoretzan edota Giza Heziketa eta Baloreak ikasgaian lan daiteke. Horretaz gain, lanaren formatuak berbera Hizkuntza, Teknologia eta Arte-hezkuntza eta Plastika ikasgaietan garatzeko aukera ematen digu.

Zeintzuk dira ONCE lehiaketak ezartzen dituen metodologiak?

Medotologia aktibo eta pedagogia berritzaileen bitartez ikasleek beraien sormenezko gaitasunak garatzen dituzte, aldi berean protagonistak eta arduradunak sentitzen direlarik.

Material didaktikoak baloreen hezkuntza bultzatzen du eta talde-ikasgela harremana indartzen laguntzen du programazioaren barne.

Zuen parte-hartzea errazteko adituek kurrikuluan oinarrituz garatutako doako hezkuntza materiala, hala nola gaiaren inguruko adituek bermatutako informazio-dosierra eskeintzen dizkizuegu.