Estás visualizando una edición antigua del Concurso Escolar ONCE. Si deseas participar en la última edición haz click aquí.
No concurso ONCE poden participar todos os alumnos e alumnas de centros educativos españois públicos, concertados e privados, escolarizados en: Educación Especial, Primaria (de 3º a 6º), Secundaria, FP Básica, Bacharelato ou FP (Grao Medio e Superior).
Non importa. A temática é completamente distinta, o mesmo que os traballos creativos solicitados aos participantes, polo que se trata dun novo concurso.
A participación no concurso farase mediante un traballo por clase e sempre dentro da categoría correspondente, segundo o curso ao que pertenzan os alumnos. Como excepción, aceptaranse traballos que correspondan a alumnos de varias categorías tal e como ocorre nos centros escolares rurais agrupados ou nas clases de circo itinerantes, aulas especiais de apoio, etc.
Nestes casos, a clase participará na categoría na que haxa máis alumnos. En caso de empate, a clase participará pola categoría superior.
O número máximo de participantes por traballo será o número máximo de alumnos por clase que marque a lei vixente para cada nivel.
Por outra parte, por circunstancias derivadas da pandemia de coronavirus, a modalidade de participación poderá sufrir modificacións para adaptarse ás medidas que teñan que adoptar os centros educativos por mor da protección da saúde. Polo tanto, caso que por motivos sanitarios o colexio estea obrigado a dividir a clase en grupos, permitirase de forma excepcional a participación de grupo/traballo. En calquera caso, por motivos loxísticos e económicos, o número máximo de alumnos que participen co conxunto dos grupos/clase non poderá superar, en ningún caso, o máximo de 38 alumnos por clase.
Non. Para participar é necesario que un educador do centro se encargue da inscrición.
Este programa está integrado no currículo educativo e foi desenvolvido tendo en conta a nova realidade educativa e as recomendacións dixitais trasladadas aos centros educativos polas Consellerías de Educación. Por iso non supón ningún traballo adicional. O material didáctico que facilitamos permite que cada educador desenvolva na aula (en función do seu tempo e posibilidades) os contidos e actividades que considere oportunos para presentar aos seus alumnos na temática do Concurso e facilitar o seu posterior traballo de participación.
O grao de implicación na supervisión e axuda aos seus alumnos no desenvolvemento do traballo de participación será decisión de cada profesor. O profesor unicamente se compromete a explicarlles a actividade e a facernos chegar posteriormente os seus traballos de participación.
Este programa de sensibilización e os seus materiais didácticos creáronse en base ao currículo e pode traballarse de forma específica nas sesións de titoría, así como a través das seguintes Competencias Básicas:
Non. Son apenas unha ferramenta para facilitar ao profesor a tarefa de introducir aos seus alumnos na temática deste ano e en como abordar o traballo a presentar.
Si. Cada grupo aula deberá presentar:
Primaria (3º - 6º) e Educación Especial:
Deberá crear unha cuña de radio cunha duración máxima de 1 minuto capaz de transmitir unha mensaxe sobre o bo uso da tecnoloxía por parte dos menores. Será enviado en liña a través da Zona Privada do profesor como ficheiro anexo en formato .MP3, .MP4, .WAV, .ACC ou .3GP. A cuña de radio debe ir titulada e para facilitar a accesibilidade ao traballo incorporarase un documento en formato Word ou pdf, co texto da cuña.
Secundaria (1º-4º):
Deberá deseñar un cartel publicitario (modelo parada de autobús). O anuncio debe captar a atención e transmitir unha mensaxe que fomente o uso responsable da tecnoloxía evitando o abuso da mesma. Será enviado en liña a través da Zona Privada do profesor en formato .jpg e orientación vertical cun peso máximo de 2 Mb. O cartel irá acompañado dun slogan e para facilitar a accesibilidade ao traballo incorporará unha audiodescrición cunha duración máxima de 1 minuto. Os participantes poderán gravar dita audiodescrición a través da Zona Privada na súa zona de subida de traballos ou achegar un ficheiro en formato .MP3, .MP4, .WAV, .AAC ou .3GP.
Bacharelato e FP:
Realizará un anuncio publicitario, de non máis de 40” de duración, para sensibilizar sobre o uso responsable da tecnoloxía e os riscos que carrexa o seu abuso. Será enviado en liña a través da Zona Privada do profesor en formato .AVI, .MP4 ou .MOV (formatos admitidos por YouTube) cun peso máximo de 100 Mb. O anuncio irá acompañado dun título, e dun documento co guión en formato Word ou pdf, para facilitar a accesibilidade do traballo de participación ás persoas con discapacidade.
Ben seguro que si. Logo de que o educador lles explique como debe ser o traballo que deben presentar, os alumnos poden dedicar todo o tempo que queiran á elaboración do seu traballo fóra da aula.
Non pasa nada. Podedes contactar connosco e axudarémosvos. Un equipo de profesionais resolverá as vosas dúbidas. Para iso, chamade ao 900 808 111 (teléfono gratuíto), ao 682 789 326 (Whatsapp) ou enchede este formulario.
