Podemos dicir que o bullying é calquera forma de malos tratos físicos, psicolóxicos ou verbais que un escolar ou grupo de escolares exercen sobre un compañeiro durante un tempo prolongado.
Os que o exercen fano para impoñer o seu poder sobre o outro a través de ameazas, agresións, insultos e mesmo vexacións, co obxectivo de mantelo baixo o seu completo dominio ao longo do curso. Polo xeral, e ante o illamento da vítima por parte do resto dos seus compañeiros, o acoso sófrese en silencio, polo que é moi difícil que os pais ou profesores o detecten a tempo.
O acoso escolar é unha realidade que afecta a nenos e nenas de todas as condicións sociais, con ou sen discapacidade, pertenzan a colexios públicos ou privados, e que chega mesmo a un 4% do alumnado nalgúns ciclos educativos, segundo o Ministerio de Educación.
É certo que a concienciación sobre a necesidade de facer fronte ao acoso é cada vez maior e as iniciativas para loitar contra el nas aulas están a aumentar, pero os datos que reflicten algúns estudos seguen sendo alarmantes:
Por tanto, non podemos dicir que o acoso escolar se trate dunha cuestión illada, senón dun feito estendido que a nosa sociedade non pode deixar pasar mirando para outro lado.